ಹಾಲಾಡಿ ಹಬ್ಬ
ಹಾಲಾಡಿ ಹಬ್ಬ ಅಂದ್ರೆ "ಮರ್ಲು ಚಿಕ್ಕು" ದೈದ್ಮನಿ ಗೆಂಡ. ಪ್ರತಿವರ್ಷ ಜನವರಿ ತಿಂಗ್ಳಂಗೆ ,ಗೋಳಿಕಟ್ಟಿ ಹಬ್ಬ ಆದ್ಮೆಲ್, ಆರೇಳ್ ದಿನಕ್ ಬಪ್ದ್. ಏಗಳಿಕೂ ಜನವರಿ 21 ರ ರಾತ್ರಿ ಗೆಂಡ, 22 ಕ್ಕೆ ಹಾಲಹಬ್ಬ.
ರಾತ್ರಿ ಹಾಲಾಡಿ ಮ್ಯಾಳದ ಸೇವೆ ಆಂಟ.
ಹಾಲಾಡಿ ಹೊಳಿ ಸೇತ್ಮಿ ಬದಿಯಂಗೆ ರಸ್ತಿ ಆಚಿ ಈಚಿ ಬದಿಯಂಗೆ ಎರ್ಡ್ ದೈದ್ಮನಿ. ಪಡ್ಲಾಯಿ ಇಪ್ದ್ ಆದಿ ಮರ್ಲು ಚಿಕ್ಕು ಅಂಬ್ರ್. ಕೊಯ್ಕಾಡಿ ಕುದ್ರುಮನಿಯರ್ ಸಂಬಂಧ ಪಟ್ಟದಂಬ್ರ್. ಮತ್ತೊಂದು ಮೂಡ್ಲಾಯಿ ಬದಿಯಂಗಿಪ್ದ್ ಹಾಲಾಡಿ ಮನಿಯರದ್.
ಈ ದೈವ, ಪಡ್ಲಾಯಿ ಬದಿಯಂಗಿಪ್ಪ ಖಾರ್ವಿ ಜನಾಂಗದವ್ರ್ ನಂಬಿದ್. ಅದ್ಕೆ ಈ ದೈದ್ಮನಿ ಗೆಂಡ ಅಂದ್ರೆ ಮೀನಿನ ವ್ಯಾಪಾರ ಜೋರ್. ಆಗಳಿನ್ ಕಾಲ್ದಂಗೆ ದೋಣಿ ಮ್ಯಾಲ್ ಮೀನ್ ತಂದ್ ಮಾರ್ತಿದ್ರ್.
ಗೆಂಡದ ದಿನ ರಾತ್ರಿ ಒಂದ್ಗಂಟಿ ಮ್ಯಾಲ್ ಗೆಂಡದ ಹೊಂಡಕ್ ಬೆಂಕಿ ಹಾಕಿ, ಗೆಂಡ ಮುಗ್ದ್ ಮ್ಯಾಲ್, ಬೆಳ್ಳಿ ಮೂಡ್ವತಿಕ್ ದಕ್ಕಿಬಲಿ ಸೇವೆ.
ದೈದ್ಮನಿಗ್ ಹೋಪ್ಕೆ ಓಣಿ ರಸ್ತಿ. ಆದ್ರೂ ಸೇತ್ಮಿ ಬದಿಯಂಗೆ, ರಸ್ತಿಯಿಂದ್ ಇಳೂಕ್ ಮೆಟ್ಲ್ ಮಾಡಿ ಇಟ್ಟೀರ್. ಆದ್ರೂ ಇಳೂಕ್ ಕಷ್ಟ.
ಆಗಳಿಕ್ ನಾವ್ ರಾತ್ರಿ ಹನ್ನೊಂದು ಗಂಟೆ ಮ್ಯಾಲ್,ದೈದ್ಮನಿ ಹೋಪ್ದ್. ಮರ್ತಪ್ಪಯ್ಯನ ಮ್ಯಾಮಿ ಮಿಠಾಯಿ ಅಂಗ್ಡಿ. ಬಾಬಯ್ಯ ಮತ್ತು ಬೊಕ್ಕಯ್ಯನ ಚಾ ತಿಂಡಿ ಹೋಟ್ಲ್. ಐಸ್ಕ್ಯಾಂಡಿ ಶೀನನ ಐಸ್ಕ್ಯಾಂಡಿ ಡಬ್ಬ. ಆ ರಾತ್ರಿ ಚಳಿಯಂಗೂ ಐಸ್ಕ್ಯಾಂಡಿ ತಿಂಬ್ದ್. ಕರ್ಗುಂಜಿ ಹಣ್ಣಿನ ಸೇಡ್ ತಕಂಡ್ ಕಪ್ಪೂದ್.
ಹಾಲಾಡಿ ಗೆಂಡ್ದಂಗೆ ಫೇಮಸ್ ಅಂದ್ರೆ ಸೇಮಂತಿಕಿ ಹೂಗಿನ್ ರಾಶಿ. ಒಂದೊ ಎರ್ಡೊ ಮೊಳ ಹೂಗ್ ತಕಂಡ್ ದೇವ್ರಿಗ್ ಹಾಕೂದ್.
ಆ ನಿಗ್ಗಂಗ್ ನಮ್ಮ ಶಾಲಿ ದೋಸ್ತ್ರ್, ಶಾಲಿ ಬಿಟ್ಟ್ ಬೆಂಗಳೂರು ಬದಿ ದುಡುಕ್ ಸುರು ಮಾಡಿ, ಹಬ್ಬಕ್ಕೆ ಊರಿಗೆ ಬಂದೋರ್ ಎಲ್ಲಾ ಸೇರಿ ತಿರ್ಗುದ್ ...ಏನೋ ಮಜಾ.
ಕೆಲವ್ರ್ ಸ್ವಲ್ಪ ಚಗ್ರ್ ಆಯಿ, ರಗ್ಳಿ ಮಾಡ್ಕಂಬ್ದೂ ಇದ್ದೀತ್. ಇದ್ರ್ ಮಧ್ಯ, ಕೆಲವ್ರ್ ಸೈಕಲ್ ಜ್ವಾಗಳ.
ಬೆಳ್ಗಾರ್ಮ್ಯಾಲೂ ಒಂದ್ ಸುತ್ತ್ ಹಾಕಿ, ಒಂದ್ ಸೇರ್ ಮುಂಡಕ್ಕಿ, ಮ್ಯಾಮಿ ಮಿಠಾಯಿ ತಕಂಡ್ ಮನಿಗ್ ಸೇರ್ಕಂತಿತ್.
ಈಗ ಎಲ್ಲಾ ಬದ್ಲಾವಣಿ ಆಯ್ತ್. ದೈದ್ಮನಿಯಂಗೆ ಮೈಕ್ ಹಾಕಿ, ತುಂಬಾ ಲೈಟಿಂಗ್ ಮಾಡ್ತ್ರ್. ರಾತ್ರಿ 4000 ಜನಕ್ ಗಡ್ಜ್ ಊಂಟ ಇರತ್. ಬೈಕ್ ,ಕಾರ್, ರಾಶಿ ರಾಶಿ.
ಬಣ್ಣ ಬಣ್ಣದ ಮನಸ್ರ್...ಆದ್ರೂ ಎಲ್ಲಾ ಗಡಿಬಿಡಿಯಂಗೆ ಬಂದ್ ಹೋಪ್ವರೆ.
ಎಲ್ಲಾ ವ್ಯಾಪಾರಕ್ ಬಂದೋರ್ ಕಣಂಗ್ ಕಾಂಬ್ದ್.
Comments
Post a Comment